揭開尿頻尿急的神秘面紗
拆解膀胱過度活躍症的成因

最近有冇發現好動嘅屋企人唔再經常搵佢啲老友記，仲成日留喺屋企個廁所度呢？你可能會好擔心佢因為年紀開始大，開始唔多鍾意走動。 不過根據越嚟越多嘅研究指出佢好大機會係患上「膀胱過度活躍症」導致出現尿急尿頻等嘅問題，所以先被逼留喺屋企個廁所度咋!

男性患者除了會有良性前列腺增生外，更有可能同時患有膀胱過度活躍症。根據一項歐美的研究顯示，大約每三個患有下泌尿道症狀的40歳或以上男性中，就有一個同時患有儲存和排尿症狀。 

膀胱過度活躍症患者有機會包含咗好幾種儲尿嘅症狀，包括有尿急、尿頻、夜尿同失禁呢啲病徵。如果呢個病處理不當對患者同埋患者家屬嘅身心健康都可以造成好大嘅影響㗎！

*膀胱過度活躍症是指患者在儲存尿液功能上出現問題。

治療方法

膀胱過度活躍症嘅患者如果病情係輕微嘅話，第一步我係會建議先盡量改變習慣去令到症狀好轉。例如患者係有飲咖啡或者酒嘅習慣的話，我哋都係會建議佢哋戒咗先嘅。 另外控制飲水嘅時間同埋進行一啲簡單嘅盆骨底肌肉訓練都係可以有效咁控制到症狀。

睇番你既案例，為咗唔好再進一步影響你嘅日常生活， 也可以考慮配合返藥物治療，從而令到你膀胱不自主收縮嘅情況可以改善。

膀胱過度活躍症的藥物治療

近年，都有較新型類別嘅藥物 「BETA-3腎上腺素受體激動劑」( BETA-3-AGONIST ) ，例如「米拉貝隆」(MIRABEGRON) 可以幫到「膀胱過度活躍症」嘅患者放鬆膀胱肌肉，增加膀胱儲尿能力， 從而解決你尿頻尿急嘅症狀。副作用相較其他傳統嘅藥物小， 比較適合需要長期控制症狀嘅病人服用， 為左你長遠嘅健康著想請盡快向你嘅醫生查詢啦！

常見問題

Q1: 「膀胱過度活躍症」在香港算是普及的症狀，每7個香港人就有1個患上，根據本地一個研究發現，男士和女士都同受膀胱過度活躍症影響，發病率相約。現時香港有冇D快速既測試方法可以自己評估下先? 係咪要抽組織做化驗架?

A1:  當然有。醫生唔係下下都要拎你啲組織化驗先知道你有冇病既。宜家香港有份叫做OABSS既問卷 只需要答4條問題, 1分鐘便做完就初步知道有冇症狀咖啦,如果分數高既先可能需要醫生作進一步評估。

Q2:  OABSS點用咖? D 分數代表咩?

A2: 「膀胱過度活躍症」是一個徵狀統稱，屬臨床綜合症，包含許多病徵，包括尿頻、夜尿、突發尿急、尿失禁。而問卷既4條問題就係圍繞住病人呢幾個剩徵狀去了解。如果你發現自己有這些病徵，便可能患上「膀胱過度活躍症」。

以下就等我同大家逐條問題講解一次啦:

(1) 由早上起床開始至晚上睡覺為止，大約小便了多少次？

-尿頻定義：一般而言日間小便達8次以上。

(2) 由晚上睡覺至早上起床為止，為了小便而起床的次數大約有多少次？

-夜尿定義：在8小時睡眠時間中夜尿次數多於1次(臨睡前及晨早排尿不計算在內)。

(3) 有沒有試過突然感到尿急，覺得難以忍受

-突發尿急意思：患者會突然感到尿急，而且急得無法忍受就屬突發尿急。

(4) 有沒有試過突然感到尿急而達致漏尿？

-尿失禁意思：當突發尿急嚴重時，突如其來出現的尿失禁。與壓力性失禁不同，壓力性失禁會因腹部壓力如咳嗽、打噴嚏、大笑等活動而失禁，不在此列。

評分準則= 有膀胱過度活躍徵狀：問題 3 的分數 ≥ 2 分， 並且總分數 ≥ 3 分。
徵狀程度：
總分數 3 至 5 分：輕度
總分數 6 至 11 分：中等度
總分數 ≥ 12 分：重度

所以如果你有3分或以上，問題3又多過2分，咁代表你係有輕度「膀胱過度活躍症」，我會建議你拎住份問卷去睇醫生啦！